TOYA:LA DUNG

TOYA:LA DUNG

Mg. Daniel Doley

Do:lung – Laipulia

Tompé mé:dung Ni:tomko

Silopé tomma:p du:pagné Ni:tomko.

Ngok longékídí:dém Ngo bíkén-bíli:Moto

Odokké Ngok attar kídí:dém kínggí:moto.

Ayirdé aropé gía:tomang,

Gompirdém nérkíkpé títomang.

Odo ngasod arangé dung,

Ngok asinbok asé:lígnamko.

Ngo Bík migmom ka:bektomang,

Odokké Ngo Bík gomukko tadbektomang,

Ngo Ukum lottadok gínam

Tatponé dakor kornamkopag tadbekto.

Émpige:la le:mdé dormangai,

Odokké Ngo Bím Ngok Ukumdop goga:la:tomang,

Ngo Bím ríksunam ayirko tola méto,

Émpige:la su:paglop Ngo Bím ríksula:tomang.

Su:paksin ríksunam ayriko tola dung,

Ma:nyíng amo:bo:sin ka:begmang,

Yampok longédo okolo du:yésong

Ngok turgomsin Ngo kinsumang.