SIYANG A:NÉ KEKONDO

✒️Dr. Bidyeswor Dole:

Siyang a:né kekondo Sirki korongé Gené adi ara:do Jéma: jéma:pé tadbegdung Mibu a:bangko "Tasígo sígo émaya Sígo sígi émaya Siya: berkong émaya..." Sirki korongém kumpadla Siyang a:ném kongko:la Lekelo:bo gíka:néiké Abotani:ké ao ommang Tani: réngamko Adi: among mége:la Aginpé dungka:néiké Ayíng amo:lo Dítag dítag gígédopé A:né ru:yi:lo Abung ru:yi:lo Du:togomn Dunggertoma:néiké Ayíng amo:lo Bulum Assé biyyuddung Raggo ko:yuddung

Ésaré saryuddung

Ammé yadyuddung

Sila:sila: turdu:néiké

Amiké letíg kéiglo

Silo

Kumdu:néiké nonm

Sirki na:na

Anu mibuko írtéikuka

Anu yoksako bitéikuka

Daglen motéikuka

Síglen motëikuka

Sé yalo gíné réngamsok

Anu turgo tarungko.*

Source~

Book- Métom Gomug( An anthology of Mising Poem compiled and edited by Mg Gojen Mili and Mg Lakhinandan Pegu published by General Secretary, Mising Agom Kébang)