SIDO D0:LUNGKO DUNGAI

✒️Dr. Bidyeswor Dole:

Billa gíné a:ném dagbogla

Sido dungai do:lungko

Okum kumdangé aríg ísíngé pélu:la

Sido dungai

Í:r pongkímé do:lungko

Kouwou dokkébo

Souwíng ngo sí:sa:tagai

Sí:jon ajon jonsula

A:né ru:yi: ru:yi:lo

Sulli okum momanna so:man tagai

Kolabati kolla doman tagai

Souíng ngo

Ya:me mé:tagai

Do:lung ajonki léko lakkopé

Mé:po ménganna du:mantagai

Déuwoi kapiyén!

Díyí po:lo ara:lo

Urom banné yumédo

Amongé jinsangkang

Assé matsangkang

Donge:yé ngomsangkang

Kémo jí:jí:né yumédo yora:do

Jé:yid po:pitpé yokpakkang do:lung koné

Ka:la ka:bektokumang

Mala mabektokumang

Édé do:lu:dém

Ngom oko do:lu:dém

Silo jémi: jémi:pé mé:beg dakku

Sido dungai do:lungko

Í:r pongkírné bomjé do:lungko.*

Source~

Book- Métom Gomug( An anthology of Mising Poem compiled and edited by Mg Gojen Mili and Mg Lakhinandan Pegu published by General Secretary, Mising Agom Kébang).