RU:NÉNO RU:TEN TEIKUI

Adné:- Mg. Daniel Doley

Do:lung:-Laipulia, Dhemaji

---

Ru:néno ru:ten teikui; Kamponé Misíng opínko;

Kampopé du:né mé:popé turné, Méngkinné Misíng opínko. Ké:né jarkampé jartiddung Ma:né rínjipé ma:tiddung; Kappagnam ampépé yí:bomdung, Silo Misíngké ngasod a:bomdung. Pu:mu asibí bidyuddung, A:né ragopé ko:yuddung; Nganpé mé:la:sin nganla:mal, Mé:dír miksé dítíl dung. Gené mo:píso jarmíndop Ka:po kanganpé írga:dop Ru:nénok aséngém biteika Mo:píso unla du:la:dop. Kekonlog assém pílígyém Kekonlog do:nyé ka:sandung; Ngansa:pé mé:né Misíng opíném Ro:yugné takkerpé pítsandung. Ru:néno ru:ten teikui,

Kamponé Misíng opínko;

Kampopé du:né mé:popé turné, Méngkinné Misíng opínko.