Punlég

✒️ Daniel Doley

Ukum lottadok punlég ara:do

Letung appun asi pílígla,

Gejig-gero:la ka:pop Jarsa:dung

Do:nyi ésar pédong pa:la

Punsa:dung í:r-pongkirla kapodung punégé

Rokompé do.nyi píang pa:la

Be:bung dénga:dung punlégdo

Nampo namanné punlang mala

Bo:bi-lo:lin ésardo so:dung lékopé

Punlégdok appuné biré-birkurla

Ni:tom modung ajon goksula

Ajjon umébulu asi pílígdung

Bulu yemandung asin mé:pola

Kitkat ku:dung bulu dugmandung

Punlégdo umébulu airu:p mé:pola.