Pu:mu:ké Lígang Aman

✍️ Mg. Gulap Bori Amguri Bali(Bogibeel) +

Pu:moa nom asin odag

Nok aglí:n silu:démmin kangerdag

No minom sordodoi aglí:la sordag

Kítíglok pimirémgom mémang

No dítag minomé mibo bonamé

Pédong bírdukké obo po:lumé

Asup pula yuptoka émkanmang

Nok asubdéi laorra dorné sulliko

Lékoda nom asin okanmang

No dítag attungko do:lí:néko

Gíladyokuka léoda do:lu:pé

Opan miksiko ka:lí:-tí:lí:la aginpé

Régum-gumna lígangé yamto

Mé:ma:-luma:pé amsidém sitto

Apo:-purang-adinki dopan-tí:pansuto

Po:ro po:borémgom pí:ma:la katto

Nom goktomang émna aglí:ma:pé

Takkon dítagdo alíg tílígla gokkupé

Gipun-gipagém ki:bo ménpé ménto

Gimurpé igékang pésola dukkolo

Ésar anémé gimurbí lubito

Aglí:la anébí ténépé nurgo:to

Ru:bo:kang okum mí:dumé

Yu:jépkang pétum-péli: okumé

Okolo nom kungke: pubiyén

O:ko nom dora suboyén

Opan ta:toké oté tomílo kapiyén

Bérsa:la ka:mo:mang okkom ibiyén

Toya:l du:lang lékon líga:do:pé

Nok mé:nam amanko bombipé