PO:LONO KANGKANDAG.

✍️Shovra Doley

Po:lono kangkandag. Lodípé ka:lí:dag. Yu:mmém do:mí:rto takar pongkokdo unya:dag. Ko:yém ko:yémna rémak suksakpé lo:lad ladbidung. Kémoné Mo:písé manying do:lungé. Mé:nam ajona ngonyik ayangé yípum suduné. Po:lono lékomílo loddang. Lékomílo rubbongé. Loddang rubbong pongkok pongkokdo. Karsinnéla kartangé. Kartang loladdo nok lédilo tedmíndung yuméyumbudo karédo gílenna. Yo:rangkísudo po:ladné mitomké mé:tomé no. Ajona rubbong yumédo. Singagné ge:lungso. Kébangém ba:dung ígsíng-gonié yi:yubla yi:yubla. Ya:kasiké ya:bané bandag. A:né gora ruying ruyingdo. Ngolug Mising do:lungé. Bérén:oi bérénpé. Térén:oi térénpé Ka:po oiya kangkan modun Po:lo nokké loladdé Jírí jiriné asido Gené bírdung do.... Loddang yumédo.... Takar appídem oying boge:la Oko ansém se:duné lung-gongoi lu:ngolla Po:lono yilo lobo po:lodo A:né kéréngké kowang appunki Oko paksong so:duné Urradoi korradla kartang yumédo. Po:lono po:lopé du:tílang Mo:pípé iyoka dei Po:loké den den den Takarké den den den Nésubké neyubké ki-ki-ri kiri. WORD MEANING *Loddang- Shuklapoksya *Rubbong- Krishnapoksya *Karsin- Amabosya *Kartang- Purnima *Genébirdug- Horotkal *Yilo-lo:bo- Haun Bado *Mopí- Prithivi *Ge:lung- prakriti *Mitom- kobi *Métom- kobita