NGO BEGMA:NÉ MIMMÉKO

✒️Subhra Doley

Ngo begma:né miméko.

Yo:ké sí:pak pak-rígdémsin lekintomang.

Ko:red démsin ked kintomang.

Rébung kosín bungkíntomang.

Popidémsin yadkintomang.

Onno-nosor démsin sorkintomang.

Gadu dulum démsin yedkintomang.

Sumpa démsin pakintomang.

Be:long démsin adkep kintomang.

Dupid démsin kébkintomang.

Gadu kosin sumge:la bombokintomang.

Ngo begma:né anéko.

Aí:ké: ommang kírí:demsin.

Owé-ba:bo: émkailí:tomang.

Mising agomko lukai lí:tomang.

Tatponé nitom ko mokai lí:tomang.

Yakané égé:ko sumkai lí:tomang.

Lígang so:manko songkai lí:tomang.

Ngo begma:né né:ngko.

Aíké milbo démsin gonro-ugon

Mibu-galukko sumgé:la molígkintomang.

Pémíngkosin míngkintomang

Poksekosin sekintomang.

Nogin-poro apongkosin mokintamang.

Ton-géla tí:bokintomang.

Tíngírsugé:la réngam lédílo

Ya:kan egé:ko gége:la

Urradla so:man kintomang

Lotta so:manko.

Ngo kinsudag.

Ngokké opíné misingé.

Ngokké aíké dírbíko dung.

Í:ré pongkíré.

Sé:di ba:bu, pédong anéké ru:namé

Yo: ba:buké kangkan ka:yumpé onamé.

Kajé yo:ké gélod bomloddém bomlajé silo.

Ba:buké gélod bomloddém bomlajé silo.

Agom gomugsém appíngé lula:jé.

Aí:ké appírém magablajé.

Mopíso appíngkémyang unya:lajé.

: তুঁহ গুৰি পুৰা।

Pokse: আপঙৰ বাবে এপব খুন্দা কাৰ্য্য।