Ngasod Abung

✍️ Newton Pegu

Kapin longéko: kapin ngasodé

Tani turko: lambé'sob a:dakji

Séko:sin lubi:la:mang

Tani turko lambé:dob

Ngasod Abu:ngé pu:mi así:pé

Bida:tíl du:dag

Édé ngasod Abu:dém pé:tumnam légangé

Ngolu longé-yumé kinma:pé

wq titpu-titpu:la

Agerem gerdo:

Épige:l ngasod longéko: pu:mi así:ko: bidanggé:la

Édé ngasod Ab:dém

Bitpen birrenge:la

Ngasod ya:ya:pé batmo:dag

Ngok turko: lambé:so:pé:sin

Ngasod abu:ngé bida:tíl du:da:gai

Longéko: ngo édé ngasod abu:dém

Jene-tene pé:tumtakgai

Émpigel ngasod dí:tagko: angge:la

Édé pé:tumnam ngasod abu:dém

Bitpen-birrenge:la

Ngok turko lambé:sém

Ngasod ya:ya:pé batmo:to:

Silo: ngok turko lambé:so

Olo:mang-tolomang

Pongkoklo: du:pakkang

Olomang-tolomang

Ngasod ara:lo: du:pakkang.