Ma:níngko: Ma:tungai

✍️ Newton Pegu

Ma:níngko: ma:tungai

Botta:pakné ma:níngém ma:tungai

Ménggapdanna arígko: ita:gai

Popé:kémmar bojé:yangko: ita:gai

Popé: kémma:rong gejig-gerro:la

Kangkanya:dungai

Lo:dém doga rédungai

Émpila aibar doga réma:bong émna

Asinbél aipé mé:po:takgai

Édí:lailokkébong mékumsunam murkongkílí:dém

Bijineskoi igabsupo:pé émna

Angkir bila-bila: mékumsunam murkongkílí:dém

Bijinesdo: líkta:gai

Émpigel édé: ngok ma:níngkílí:dém

Kekondokké-keko:nolo:p

Ímí: dorpé doranggé:la

Ukpu-puru:la ukpakto:

Silo: édé: ngok ma:níngkílí:dé

Ma:níngíb il du:pakkang

Silo: ngok édé: ma:níngkílí:dém

Ímí: dorpé doranggél

Ngasod ímí:dé

Ukpu-puru:la ukpakto: .

*বাঘজান অগ্নিকাণ্ডৰ ওপৰত ৰচিত।