LÍGANG MIBO

✍️Srishti Rani Taíd

Gogmang nom ngo gílang émna  “Ali a:yé líga:do” Mala gílang obonori ru:yi:dok  Gereki éla: Ghuna:suti pongkogdo:pé, Sé:kai así giri: jo:bomné  Tani:ko ríksumílo Ngok dungkodém tadla:yépé. Ané ru:yi ru:yi:do sulli okum Momanné Galug-gasor géma:né  Ajjo:né ko:kang kídí:dém Tadla:yépé no ngokké du:tí:dém, Kapéi rélékpé yirsé kose:la Mímbír kídí:dé nom ka:míloi No kinla:bongka  Sé:bong ngok do:lu:dé  Ngok du:téng daktí:dé. Odokkésin no ila:yépé agerko Obonori Gagor abungdém Kongkongge:la  Gípa:supongko ukumdém Ngok do:yingém tadlangka  Sé:kai ukum ara:dokké Jé:jer jé:yerla gogríksumíloi No gílatsulangku Kapé émyémílo Éddarbong ngok do:lung ukumdé. Kapéi ila ukum ara:dokké Sé:kai yabgodém siggesuge:lam  Jé:tatsugomsin No gíbadla gíyobongka, Pa:tobong-pa:tobong émla  Jé:yarla lula:yépé Biríksupo:danna nom biyépé  Apong bati:ko Nogjin manggom po:roko Pongkang manggom po:lumko Ékkam pamnam  Sulli ongokosin biyépé Le:né mírsí manggom kotír mírsiémsin bité:yépé, Purang apin lédulo  Alo ajjo:kosin biyépé  Tídjetsula tí:nadopé. Bipo:nam bati:dém tíngabmílo Mibo nom tadyepé Lékoda bati:ko písedlígnamko.. Odo no... tí:mang émna lu:yoka mé:nyi:péké.. Mittup yaddopésintí:yoka mé:nyi:péké... Léko mé:nyí:milo nom  Lékoda gokkuma:yépé... Nom ngo gogma:yé gílang émla Ali a:yé líga:do, Gíyémílo gílangka Ali líggod longéardo Ka:sulang ansulang Do:lung ya:me: mímbíré Gumrag so:manémsin So:boyépé nom... “Kekonolo gumrag Kekonso gumrag Dagdungé gumrag Dagtogé gumrag Gumrag gumrag rag” So:mang émna lu:yoka mé:nyi:péké Songkinmang émna:sin luyoka  Mé:nyi:péké Édé karpunpuli yumédo No gíladyéku émla:sin luyoka Mé:nyi:péké... Tíngírsudop tíngge:la sékkai mímbír amírém Gagjednamko mé:yoka  Mé:nyi:péké Mé:nyi:mílo nom  Do:lung rutumkélo:pé gíboyépé. Émpidaggom Lékkongkoi gílangka, Gímango:dapé lékoda  Mé:mi:la ka:langka. Lubisumang nom Ngok Sunali Taku do:lu:dém  Kíbisumang ngok  Obonori do:lu:dém.