LÉKODA TOYANGKUPÉ GÍNMUR PO:LODÉM

✍️Dipti Rani Pe:gu

Lí:do gedopé appun tínam Leke ege, ségrég, ri:bi gaséng Alaglo lakpun Lí:po:do dugdugi: gége:la Gumrag so:man mankodo gílang no Tatpo tadanpé bé:lenyé Dumdum lu:pi:, dendun dentugé Lé:nong, marbangé Mímbír nolu so:bilang Ya:me:bulusin gílenyépé Mibu galug, gonro ugon géla Érkogém érko:suge:la Nolum mobiyé asin ro:yugné Oi ni:tomém Purang apin, ba:nam yégdin Ngereg oying, ngosan ongo Po:ro apong tí:la: dola:pé Ba:buké amli: líggod ledupé Í:ré pongkírpé yumdéng ayirdo Songa:yé lotta so:maném Néi néngané nganrobyéku Appun ablangé punrobyéku Ngolu lékoda toya:la du:yé Angkuné gínmur po:lodém..!