KINSULAI NGOLUK DU:TÉNGÉM

KINSULAI NGOLUK DU:TÉNGÉM

Adné :-DANIEL DOL EY.

Do:lung :- Laipulia, Dhemaji

Sidé ka:po kanganné gené mo:píso

Sidé du:po dunganné írgan mo:di:so

Kinsulai takamé aíké du:téngém

Turyarmolai ngoluk Mising réngamém.

Ouké oténgé Amig darténgém

ojíngo:dokké sí:sa:tíngé Gumrag mantíngém

Silo se:kai roda:du:néi kinsuto

Gídí-ponsé motumla:ma:yé lédupé

su:pag kinsula rélékpé moríksumam.

Silok mé:ya-mé:sadé ngasodém a:moyé

Silok asin dígma:namdé I:yyém bidmoyé

Takamé kinsulai Mising amongém

ríssom mosí:sulangkui Mising Du:téngém.

Kinsulai réngama kinsulai appíngé

Yubla du:nané ayiré kama:bong

mé:motsul du:nané adíé kama:bong!

kama:bong silo amik lédulo

kinsumap gínané adí ayiré.

Lí:san Do:nyité bolok owangkuma:dap

Amírél ya:lodé gípan Suma:dap

Opín turnamko takamé mé:po:lai,

Asi soyatpé yatpan Suma:dop

A:né raggo ko:yud bomma:dop

Aíké ríssom jígri supolai

Mising Turgodém mosí: supo:lai

Ngoluk du:téngém appíngé kinsulai.