Bíuo: A:dubo:

✍️Dipti rani pegu

Ke:dangé pundung ba:ri: arangélé

Reyom reyompé

Ka:po kangané, í:ré pongkíré

Ka:yumné mímbírdok dumgagdo:sin

Ke:dangé punbiyépé

Lí:né galugdok lédulo

Alagdok gomsunam jetukangé

Aropéi kangkané bulu!

Dumdum lu:pi mannam tadbegla

Sí:sangoi ko:né:bí du:rasula:ma:la

Kumsung kítígí:do takuri:pé yadla so:lígdung

Biuwo a:dung du:rasula:ma:p idung

Mé:bomsunamdé gíyépé.

Ya:yobí jé:yosula lusí:yépé-

Peradém kublen-ge:la

Ayang appun tílínam dumérdém

La:len-ge:la bitoka émna.

Ajoné gíyé kumríé gíyé

Dopo-donganpé dobolang

Na:néké monam pitangém

Menjeg gakírém gu:r-doiyém yonnusula

Bétténém kumlang, adji:ném aya:lang

Asiné mé:pola du:dopé

Sémpiné ayirém pangkumang

Ayiré gílatkumang

Pu:po jarpola du:dopé

Appíngé mé:pola du:dopé

Aya:mínsula du:dopé

Biuwo a:du:bo

Kouwungésin kabdu:bo!!